1975 წლის საკულტო საბჭოთა საახალწლო ფილმის “ბედის ირონია, ანუ გაამოთ” ჰოლივუდური ადაპტაცია, რომელიც ორი ახალგაზრდა გმირის შესახებ მოგვითხრობს, რომლებსაც სჯერათ სიყვარულის, მაგრამ, როგორც ჩანს, ვერ პოულობენ მის ნამდვილ მნიშვნელობას. თუმცა, ყველაფერი თავდაყირა დადგება, როდესაც ბედი მათ მშფოთვარე ახალი წლის ღამეს გააერთიანებს, რის შემდეგაც იწყება ნამდვილი კომედია და ქაოსი…
რომანტიკული კომედია, ჩიკაგოს უნივერსიტეტის კურსდამთავრებული რენი ბატლერის შესახებ, რომელიც თავის საუკეთესო მეგობარ ლილისთან ერთად ინდონეზიაში მდებარე კუნძულ ბალიზე მიემგზავრება, სადაც ადგილობრივ ბიჭზე დაქორწინების ლილის მოულოდნელი გადაწყვეტილება, მისი განქორწინებული მშობლების (ჯორჯ კლუნი და ჯულია რობერტსი) გაერთიანებას და კუნძულზე ჩასვლას გამოიწვევს, რომლებიც ახლა მთელი ძალებით ცდილობენ, რომ მათი ქალიშვილი იგივე შეცდომის გამეორებსიგან გადაარჩინიონ, რომელიც მათ 25 წლის წინ დაუშვეს. იმავდროულად, რენი ბალიში რჩება და ამ პროცესში სიყვარულს პოულობს.
ბეთანი რობერტსის ამავე სახელწოდების რომანზე დაფუძნებული რომანტიკული დრამა, რომელშიც მოვლენები 1950-იან წლებში ვითარდება და ისტორიის, თავისუფლებისა და პატიების ცვალებადი ტალღების ხაფანგში აღმოჩენილი სამი ახალგაზრდა გმირის, პოლიციელი ტომის, მასწავლებელი მარიონის და მუზეუმის კურატორი პატრიკის მომხიბვლელი და ამაღელვებელი პორტრეტის და მათი აკრძალული სიყვარულის შესახებ მოგვითხრობს.
მარტოხელა მეცნიერი აღმოაჩენს უძველეს ბოთლს სტამბოლში მოგზაურობისას და ათავისუფლებს ჯინს, რომელიც მას სამ სურვილს შესთავაზებს. უხალისოდ აღსავსე, ის ვერ ახერხებს ერთის მოფიქრებას, სანამ მისი ისტორიები არ გაუჩენს მასში სიყვარულის სურვილს.
როდესაც წყვილის ოჯახების შესახებ შოკისმომგვრელი სიმართლე ირკვევა, ორი შეყვარებული აღმოაჩენს, რომ ისინი არც ისე განსხვავდებიან ერთმანეთისგან. ტესა აღარ არის ის ტკბილი, უბრალო, კარგი გოგონა, როგორიც ჰარდინის გაცნობისას იყო - მეტი არაფერი, თუ არა ის სასტიკი, თავხედური ბიჭი, რომელიც ასე ღრმად შეუყვარდა.
ამბავი კაცის შესახებ, რომელიც შობას სახლში ბრუნდება, რათა მოაგვაროს თავისი გაუცხოებული დედის ქონება. მას შემდეგ, რაც იქ, ის აღმოაჩენს დღიურს, რომელიც შეიძლება შეიცავდეს საიდუმლოებას მისი წარსულისა და ლამაზი ახალგაზრდა ქალის საიდუმლო მოგზაურობისას.
ახალგაზრდა შეყვარებული წყვილი - დარსი და ტომი თავიანთ ოჯახებთან და მეგობრებთან ერთად უჩვეულო და იდეალური ქორწილის გადასახდელად ეგზოტიკურ კუნძულზე იკრიბებიან. მაგრამ ცერემონიის წინ დარსი და ტომი ხვდებიან, რომ მათი გრძნობები გაცივდა და დაშორებას გადაწყვეტენ. თუმცა, მოულოდნელად გმირების სიცოცხლე საფრთხის ქვეშ აღმოჩნდება
ქალის წარსული მოულოდნელად ისევ მის ცხოვრებაში იჭრება, როდესაც ყოფილი სიყვარული მრავალი წლის შემდეგ ხელახლა გამოჩნდება. ახლა, როდესაც მას ოჯახი, მეუღლე და სტაბილური ცხოვრება აქვს, წარსულის მოგონებები და დაუმთავრებელი გრძნობები მის აწმყოს სერიოზულ გამოცდას უწყობს. ყოფილი ურთიერთობის დაბრუნება მას რთული არჩევანის წინაშე აყენებს და აიძულებს გადახედოს საკუთარ გადაწყვეტილებებს, ოცნებებსა და იმ გზას, რომელიც ცხოვრებაში გაიარა. რაც უფრო ახლოვდება წარსული, მით უფრო იძაბება ურთიერთობები მის გარშემო.
სამუელი ყველაფერს აკეთებს, რათა კარლა დაარწმუნოს, რომ ლონდონში გამგზავრების გადაწყვეტილება გადაიფიქროს. მათ შორის არსებული გრძნობები და დაუმთავრებელი ურთიერთობა ამ შეხვედრას განსაკუთრებულ მნიშვნელობას სძენს. სანამ დრო იწურება, სამუელი ცდილობს კარლას თავისი ნამდვილი გრძნობები გაუმხილოს და დაანახოს, თუ რამდენად მნიშვნელოვანია მისთვის. ფილმი სავსეა ემოციური მომენტებით, რომანტიკითა და რთული არჩევანებით, რომლებიც გმირების მომავალს განსაზღვრავს.
დის ქორწილში დასასწრებად ნადია ესპანეთში ბრუნდება, სადაც წარსულის მოგონებები და დაუმთავრებელი გრძნობები კვლავ იჩენს თავს. განსაკუთრებულად რთული მისთვის ის გადაწყვეტილებაა, უნდა შეხვდეს თუ არა ყოფილ შეყვარებულს, გუზმანს. ქორწილის მზადების ფონზე ნადიას საკუთარი ემოციების, ურთიერთობებისა და მომავლის შესახებ მნიშვნელოვანი გადაწყვეტილებების მიღება უწევს. ფილმი აერთიანებს რომანტიკას, დრამასა და ემოციურ ისტორიას სიყვარულის მეორე შანსის შესახებ.
კრისტინ ჰანას ბესტსელერი რომანის მიხედვით შექმნილი ეს სერიალი 1970-იან წლებში იწყება და ორი სრულიად განსხვავებული გოგონას, ქეით მალარკისა და ტალი ჰარტის, დაუვიწყარ ისტორიას გვიყვება. მორიდებული და ინტროვერტი ქეითი და სკოლაში ყველაზე პოპულარული ტალი ერთმანეთის საუკეთესო მეგობრები ხდებიან. მათი მეგობრობა ათწლეულების განმავლობაში გრძელდება და ცხოვრების მრავალ სირთულეს უძლებს. სიყვარულის, კარიერის, ოჯახური გამოწვევებისა და პირადი ტრაგედიების ფონზე, ქეითი და ტალი ყოველთვის ერთმანეთის გვერდით დგანან. თუმცა, დრო და მძიმე გამოცდები მათ ურთიერთობას ყველაზე რთული არჩევანის წინაშე აყენებს.
სერიალი თანამედროვე ამერიკელი წყვილის ურთიერთობის რთულ და ემოციურ გზას გვიჩვენებს. ისტორია ეტაპობრივად მიჰყვება მათ ცხოვრებას სიყვარულითა და იმედებით დაწყებული ქორწინებიდან, ღალატამდე, განქორწინებამდე და იმ რთულ რეალობამდე, როდესაც ყოფილი პარტნიორები ერთმანეთთან კავშირის შენარჩუნებას ცდილობენ.
რომანტიკული დრამა ორ ახალგაზრდაზე, რომლებიც ერთმანეთთან წერილების საშუალებით ამყარებენ კავშირს. წვიმიანი და სევდიანი ატმოსფერო ქმნის განსაკუთრებულ განწყობას, სადაც გრძნობები სიტყვებში ცოცხლდება. დისტანცია და გაურკვევლობა მათ სიყვარულს კიდევ უფრო ღრმას და რეალურს ხდის. ნაზი ისტორია სიყვარულზე, მოლოდინსა და ემოციებზე.
რომანტიკული დრამა, რომელშიც მოვლენები პოლიტიკურად დატვირთული 1960-იანი წლების დასაწყისში ვითარდება, სადაც ახალგაზრდა ქალი თავის მშობლიურ სამხრეთ ქალაქში ბრუნდება და თავისი შესაძლებლობების შეზღუდვის და დისკრიმინციის პირისპირ აღმოჩნდება. შედეგად, კონგრესში მისი მოკავშირის დახმარებით, მთავარი გმირი შესაძლებლობების და ქალთა დაცვის ისტორიულ კანონის მიღების შთაგონების წყარო გახდება, რომელიც ქალებისთვის მანამდე არასდროს არ იყო გათვალისწინებული.
თეატრის რეჟისორმა უნდა მოძებნოს გზა, რათა თავისი თეატრი არ გაიყიდოს, წლევანდელი "საშობაო სიმღერა" ყველაზე დიდ წარმატებას მოუტანს მას თუ ჰოლივუდის სიმპათიური მსახიობი დაეხმარება ...
ტომას სევიჯის ამავე სახელწოდების რომანზე დაფუძნებული დრამატული ვესტერნი, ძმების ფილ და ჯორ ბერბანკების შესახებ. უფროსი ფილი გონიერი და სასტიკი ადამიანია, ხოლო უმცროსი ჯორჯი ნაზი და მგრძნობიარე. ორივე მათგანმა ცოტა ხნის წინ მემკვიდრეობით მიიღეს მონტანას ხეობაში მდებარე უდიდესი რანჩო. მაგრამ ძმების ურთიერთობა სწრაფად ნადგურდება, როდესაც ჯორჯი ქვრივ როუზზე ფარულად დაქორწინდება. შედეგად, გაბრაზებული ფილ ქორწინების გასანადგურებლად დაუნდობელ ომს იწყებს, და ამაში ის როუზის შვილს პიტერს პაიკის სახით იყენებს.
სასიყვარულო წერილმა ჟურნალისტებისთვის, რომელიც ერთ ამერიკულ გაზეთში დაიბეჭდა, მეოცე საუკუნის საფრანგეთის ერთ გამოგონილ ქალაქში ბიძგი მისცა მოთხრობების კრებულს, რომელიც ჟურნალ „საფრანგეთის მოამბე“-ში დაიბეჭდა.
ისტორია არაპროგნოზირებადი და ამბიციური კარგი გოგონას ლუსი ჰატონის და მისი დაუძინებელი მტრის ჯოშუა ტემპლემანის შესახებ, რომლებიც ერთად მუშაობენ ნიუ-იორკის დიდ გამომცემლობაში და პირველივე დანახვიდან სძულთ ერთმანეთი. ლუსი ცდილობს წარმატებას მიაღწიოს თავის პროფესიაში, მაგრამ საბოლოოდ ცივსისხლიან მტერზე, ჯოშუაზე დომინირების დაუნდობელ თამაშში ერთვება, მეტოქეობაში, რომელიც კიდევ უფრო რთულდება ჯოშუას მიმართ მოულოდნელად გაჩენილი გრძნობებით. ერთ დღეს ლიფტში ვნებიანი კოცნა ყველაფერს თავდაყირა აყენებს, თუმცა მაღალი პოზიციისთვის ბრძოლა ყველაფერს თავის ადგოლზე აბრუნებს. ნუთუ ყოველთვის ასე იქნება? არის სიყვარულის ადგილი ამ თამაშში?
ჯოჯო მოიესის ამავე სახელწოდების რომანის ეკრანიზაცია, თანამედროვე ლონდონში მცხოვრები ახალგაზრდა ჟურნალისტი გოგონას ელის შესახებ, რომელიც ქალაქის არქივში საიდუმლო სასიყვარულო წერილების სერიას აღმოაჩენს. მათში ჯენიფერ სტირლინგის და ენტონი ო’ჰარას 1960-იანი წლების ძალიან რომანტიკული, მაგრამ აკრძალული ურთიერთობის ისტორიაა მოთხრობილი. ნახევარი საუკუნის წინ განვითარებულ მოვლენებში ჩაფლული, ელი მტკიცედ გადაწყვეტს ფარული რომანის საიდუმლოს ამოხსნას, თუ როგორ დამთავრდა მათი სიყვარულის ისტორია.
უიმედო რომანტიკოსი, მაგრამ მარად მარტოსული ლოს-ანჯელესელი ჟურნალისტი ნატალი თავისი სასიყვარულო ცხოვრების მოწყობას გაცნობის აპლიკაციის დახმარებით ცდილობს, სადაც მას ერთი შეხედვით იდეალური ბიჭი ტეგი შეუყვარდება. შედეგად, მისი გულისთვის, ნატალი ქვეყნის მეორე ბოლოში მიფრინავს შეყვარებულისთვის სიურპრიზის მოსაწყობად. თუმცა, ქალაქში ჩასვლისთანავე, მთავარი გმირი აღმოაჩენს, რომ ტედი არ არის ის, რადაც თავს ასაღებდა...