ტოპ ფილმები
პიტერ პარკერი და მისი მეგობრები ძაფხულში ევროპაში მიდიან სამოგზაუროდ. თუმცა, დასვენებას ნაკლებად შეძლებენ - პიტერს მოუწეს ნიკ ფიურის დაეხმაროს, რათა ფარდა ახადოს რაღაც არსებების საიდუმლოებას, რომლებიც სტიქიურ უბედურებებსა და ნგრევას იწვევენ მთელი კონტინენტის მასშტაბით.
ცოლ-ქმარი, გეიბი და ადელაიდა უილსონები, შვილებს ზღვაზე, თავვიანთ აგარაკზე წაიყვანენ, და შეეცდებიან ცოტა ხნით გამოეთიშონ ყოველდღიურობას და დრო გაატარონ მეგობრებთან ერთად. თუმცა ღამის დადგომასთაბ ერთად, მათი უზრუნველობა დაძაბულობით და ქაოსით შეიცვლება, როდესაც დაუპატიჟებელი შოკისმომგვრელი სტუმრები გამოეცხადებათ.
კვენტინ ტარანტინოს „ერთხელ ჰოლივუდში“ 1969წლის ლოს ანჯელესში გადავყავართ, სადაც ყველაფერი იცვლება, როდესაც ტელევარსკვლავი რიკ დალტონი (ლეონარდო დი კაპრიო) და მისი დიდიხნის დუბლიორი კლიფ ბუთი (ბრედ პიტი) გზას იკვალევენ ინდუსტრიაში, რომელიც ისე შეცვლილა, რომ ვეღრც იცნობ. ავტორ-რეჟისორის ეს მეცხრე ფილმი მონაწილე მსახიობების დიდ არმიას და სიუჟეტური ხაზების მრავალფეროვნებას გვთვაზობს, რითაც პატივს მიაგებს ჰოლივუდის ოქროს ხანის დასასრულს.
ჰელოუინის პირველი ოჯახი, the Addams Family, დიდ ეკრანზე დაბრუნდა! პირველი ანიმაციური კომედია ყველაზე უჩვეულო ოჯახის შესახებ.
ხუთი წელი გავიდა მას შემდეგ, რაც ვერაგი მონარქი, მეფე სტეფანი, გარდაიცვალა (2014 წელს გადაღებულ ფილმში „მალეფისენტი“). ახლა კი, გაუთვალისწინებელმა, მაგრამ სამხიარულო მოვლენამ უნდა გააერთიენოს ულსტედის მომაკვდავი სამეფო და მოჯადოებული მურსის ზღაპრული ქვეყანა. თუმცა, კიდევ ერთხელ, საშინელი ღალატი გადაეღობება წინ ახალგაზრდების ჭეშმარიტ სიყვარულს, ბოროტი შური, მოუთოკავი ამბიცია და სულმდაბალი ფიქრები ეპარება რა ადამიანთა გულებს. ახლა, ორი მეზობელი სამყარო შიშისა და ცრურწმენების გამო ერთანეთს ემიჯნება და სამწაუხაროა, რომ მოახლოებული ერთიანობა გზას უთმობს სრულ კონფრონტაციას. მოულოდნელად, დიდებული ფრთიანი ელფი მალეფისენტი და პრინცესა ავრორა ამ ყველაფრის შუაგულში აღმოჩნდებიან. ყოველთვის ბედნიერი დასასრული აქვს კი სიყვარულს?
ენცო, მეძებარი ძაღლი, თავის პატრონთან, ფორმულა ერთის მძღოლ დენისთან განსაკუთრებული კავშირის საშუალებით ისწავლის, რომ ტექნიკა, რაც საჭიროა სარბოლო ტრასაზე, შეიძლება მანაც გამოიყენოს თავისი ცხოვრების გზაზე.
კინორეჟისორი სალვადორ მალო, კარიერის მიწურულს, განვლილ ცხოვრებას იხსენებს: დედა, საყვარლები, მსახიობები რომლებთანაც თანამშრომლობდა. სამოციენი წლები პატარა სოფელში, ოთხმოციანები მადრიდში და აწმყო, რომელშიც დაუძლეველ სიცარიელეს გრძნობს, უწევს რა თვალი გაუსწოროს საკუთარ მოკვდავ ბუნებას, უუნარობას გააგრძელოს ფილმების კეთება და განაცალკევოს ისინი საკუთარი ცხოვრებისგან. წარსულის გახსენება, შესაძლოა მის ერთადერთ ხსნად იქცეს.
დისნეის ყველაზე უფრო სამარცხვინო ბოროტმოქმედების ახალი თაობა „დაკარგულთა კუნძულზე“ ბრუნდება, რათა საძაგელი შთამომავლების ახალი პარტია აიყვანონ აურადონის სკოლისთვის.
„ქორწინების ისტორია“ ნოა ბაუმბახის, კინოაკადემიის ჯილდოზე ნომინირებული რეჟისორის, ძალიან მწვავე და ამავე დროს თანაგრძნობით სავსე შეხედულებაა წარუმატებელ ქორწინებასა თუ მის შენარჩუნებაზე. ფილმში მთავარ როლებში არიან: სკარლეტ იოჰანსონი, ადამ დრაივერი, ლორა დერნი, ალან ალდა და რეი ლიოტა.
კრიმინალური კომედია, ქარიზმატული ნიუ-იორკელი დილერის და იუველირის, ჰოვარდ რატნერის (ადამ სენდლერი) შესახებ, რომელიც მუდამ ბევრი ფულის შოვნის ახალი შესაძლებლობების ძიებაშია. მაგრამ ერთ მომენტში ფსონი ძალიან მაღალი იქნება და მთავარ გმირს საშიში და პროვოკაციული საქმის შესრულება მოუწევს, რის შედეგადაც მისი ბიზნესი და ოჯახი საფრთხის ქვეშ აღმოჩნდება. ჰოვარდი იძულებული ხდება ვალების გასტუმრების საშვალება იპოვოს, როდესაც მოულოდნელად მისი ძვირფასი საქონელი დაიკარგება.
ამერიკელი ექსპატრიატი ცდილობს თავისი მაღალშემოსავლიანი მარიხუანას იმპერია გაყიდოს ლონდონში, რაც კონსპირაციებს, მაქინაციებს, მექრთამეობას და შანტაჟს გამოიწვევს, რადგანაც მისთვის ამ სამფლობელოს ცხვირწინ აცლა უნდათ.
მას შემდეგ, რაც ჯადოქარი შუა საუკუნეების რაინდს სერ კოოლს სადღესასწაულო სეზონის დროს ოჰაიოს აწმყოში ამოაყოფინებს თავს, იგი უმეგობრდება ჭკვიან და კეთილშობილ ბრუკს, სიყვარულში გულნატკენ მეცნიერს, რომელიც ეხმარება მას თანამედროვე სამყაროს ყოველდღიურ სირთულეებთან გამკლავებაში და ასევე მთავარი მიზნის მიღწევაში - იპოვოს შინ დასაბრუნებელი გზა. თუმცა დრო გადის და ისინი ერთმანეთს უახლოვდებიან, რაც დააფიქრებს სერ კოოლს იმის თაობაზე სურს თუ არა უკან დაბრუნება.
ფილმი მოგვითხრობს მენტალურად დაავადებულ მამაკაცზე , რომელსაც ბავშვის მკვლელობაში დებენ ბრალს და აპატიმრებენ.
ნამდვილ ამბავზე დაფუძნებული სამხედრო დრამა, რომელიც 2009 წლის ოქტომბერში ავღანეთის პატარა დასახლებაში, კამდეში მოხდა, როდესაც ფორპოსტზე მყოფი აშშ-ს ჯარისკაცების მცირე ჯგუფი ასობით თალიბი ბოევიკის ძლიერი შეტევის მოგერიებას შეძლებს. სერჟანტი კლინტონ რომეშეი, შტაბ-სერჟანტი ტაი კარტერი და რამდენიმე ათეული ჯარისკაცი მოწინააღმდეგის მრავალჯერ აღემატებული ძალების ცეცხლის ქვეშ 12 საათის განმავლობაში იმყოფებოდნენ. ბრძოლის შედეგი პიროსის გამარჯვებას დაემსგავსება, რადგან ფორპოსტის უმეტესი ნაწილი განადგურდება, 8 ამერიკელი დაიღუპება და 27 დაიჭრება, ხოლო თალიბები დიდი დანაგარგების გამო უკან დაიხევენ. ითვლება, რომ ბრძოლის დროს 150-ზე მეტი თალიბი ბოევიკი იქნა მოკლული. 2013 წელს ბრძოლის დროს გამოჩენილი მამაცობისთვის სერჟანტი კლინტონ რომეშეი და შტაბ-სერჟანტი ტაი კარტერი ღირსების ორდენით დააჯილდოვეს ...
კარიბის კუნძულების მზიანი სანაპირო, ერთგული გემი და რისკით სავსე ცხოვრება. ერთადერთი ქალი, რომელიც მას უყვარდა, მილიარდელზე დაქორწინდა და მაიამიში, ვილაში ცხოვრობს. მოულოდნელად ქალი კვლავ ჩნდება მის ცხოვრებაში და შველას ითხოვს. ამ წუთიდან ნაცნობი წყლები ცდუნების ზღვად გადაიქცევა.
ახალგაზრდა სპილო, რომელსაც უზარმაზარი ყურებით ფრენა შეუძლია, პრობლემებით სავსე ცირკს ეხმარება, მაგრამ როდესაც ცირკი ახალ გეგმებს დაისახავს, დამბო და მისი მეგობრები ცირკის ნიღბის მიღმა ბნელით მოცულ საიდუმლოებებს აღმოაჩენენ.
ერთი არაჩვეულებრივი გასართობი პარკის ისტორია, სადაც საოცრად კრეატიული გოგონას, სახელად ჯუნის, წარმოსახვა ცოცხლდება.
ელტონ ჯონის ცხოვრების ისტორია, დაწყებული მისი ვუნდერკინდობიდან მუსიკის სამეფო აკადემიაში სწავლისას დამთავრებული მისი გავლენიანი და ხანგრძლივი მუსიკალური თანამშრომლობით ბერნი ტოპენთან.
გულკეთილი ქუჩის ონავარი ალადინი ლამპრის პოვნის შემდეგ, რომელიც ჯინის გამოშვებაში დაეხმარება, ჯადოსნურ მოგზაურობას დაიწყებს. ამ ლამპარის მოსაპოვებლად ერთი ძალაუფლებას მოწყურებული დიდი ვეზირიც იბრძვის, რადგან ლამპარს შეუძლია ყველას სანუკვარი ოცნება აასრულოს
რა მოხდება თუ ბავშვი სხვა სამყაროდან მოულოდნელად დედამიწაზე მოხვდება, და იმის მაგივრად, რომ კაცობრიობის გმირად იქცეს, ამჯობინებს ბოროტების განსახერება გახდეს.
როდესაც პენსიაზე გასული დაქირავებული მკვლელი მიხვდება, რომ მასზე ნადირობენ და მიზანში ყავთ ამოღებული, იგი თავის საქმეს ისევ დაუბრუნდება და ახალგაზრდა, დაუნდობელი მკვლელების მთელ არმიასთან ერთად მოქმედებს.
„სუპერმენის სიკვდილის“ შემდეგ , მსოფლიო „ფოლადის კაცის“ დაკარგვას ჯერ კიდევ გლოვობს, რაც ურჩხულთან მის ფატალურ ბრძოლას მოჰყვა. თუმცა, როგორც კი მისი სხეული მიწას მიებარა, სუპერმენის ფარის ოთხი ახალი მატარებელი გამოჩნდა, რომელმაც მისი ადგილი უნდა დაიკავოს. კრიპტონის უმცროსი შვილი, სუპერბიჭი, სტილი და კიბორგ სუპერმენი - ყველა მათგანი ცდილობს შეავსოს ვაკუუმი, რაც მსოფლიოს უდიდესი ჩემპიონის წასვლის შემდეგ გაჩნდა. ამასთანავე, სუპერმენის სიკვდილმა სამყაროს ამცნო, რომ დედამიწა დაუცველია. შესძლებენ ეს ახალი სუპერმენები და სხვა დარჩენილი გმირები საწინააღმდეგო დაამტკიცონ?
მუსიკის სფეროში მოღვაწე ჟურნალისტი თავის საოცნებო სამსახურს იშოვნის და სან ფრანცისკოში გადადის საცხოვრებლად, როდესაც მისი ბოინფრენდი, რომელთანაც 9 წლის ურთიერთობა აკავშირებს, გამოუცხადებს, რომ ტოვებს. ამ ტკივილის გასადატანად ორ მეგობართან ერთად გიჟურ თავგადასავალს მოიწყობს ნიუ იორკში.
"სლოკინა" და "უკბილო" ერთიანდებიან, რათა ყველა მათ მსგავსს შესახსენონ, რომ ვიკინგებსა და დრაკონებს შორის ურღვევი კავშირია.
ახალგაზრდა წყვილი სახლის შესაძენად, დახმარებისთვის უძრავი ქონების სააგენტოს მიმართავს. ისინი შეხვდებიან უცნაურ გაყიდვების აგენტს, რომელიც მათ პატარა ოჯახის შესაფერის ახალ, მისტიურ სახლს შესთავაზებს...
სამანტა, ახალგაზრდა გოგონა, რომელიც მოიტაცეს, ვლავ შოკშია რადგანაც ჯერ ციხეში მოხვდა, შემდეგ კი საავადმყოფოში. ფილმის ერთერთი პერსონაჟი ექიმი გრინია, რომელიც მსხვერპლთა გონებას შეისწავლის დანაშაულის გასაღების მიგნების მიზნით. გენკო კი კერძო დეტექტივია, რომელიც ასევე უდგას კვალში გამტაცებელს.
რეალურ მოვლენებზე დაფუძნებული დრამატული თრილერი, უელსელი ჟურნალისტის, გარეტ ჯონსის შესახებ, რომელიც გერმანიის ახალი კანცლერისგან, ადოლფ ჰიტლერისგან წარმატებით იღებს ინტერვიუს, ხოლო შემდეგ ბრიტანეთის ოპოზიციის ლიდერის, დეივიდ ლოიდ ჯორჯის მრჩევლის თანამდედობას იკავებს.
ნარკოტიკებთან მებრძოლი დეტექტივების ჯგუფი ცდილობს კრიმინალური ორგანიზაცია ამხილოს. ამისათვის ფარულად უნდა იმოქმედონ და ერთ რესტორანში დაიწყებენ მუშაობას, რომელიც ქათმის არაჩვეულებრივი კერძებით გახდება ცნობილი. მოულოდნელი პოპულარობის წყალობით, დეტექტივები მათთვის სრულიად წარმოუდგენელ სიტუაციაში აღმოჩნდებიან.
უკვე მრავალი წელია დემონი თეთრი გველი ჯადოსნურ ბაღში მედიტირებს და ცდილობს შინაგან სიცარიელეს გაუმკლავდეს. მისი და, მწვანე გველი მას ნეფრიტის თმის სამაგრს აძლევს და მოგონებები ბრუნდება
ფილმი მოგვითხრობს სამ მეექვსე კლასელზე. ბიჭი გარბის სკოლიდან და თავგადასავლებით სავსე მოგზაურობაში ერთვება მას შემდეგ, რაც შემთხვევით მოიპარავენ ნარკოტიკებს და გადაიმტერებენ თინეიჯერ გოგონებს.
სათავგადასავლო როუდ-მუვი, დაუნის სინდრომის მქონე 22 წლის ზაკის (დებიუტანტი ზაკ გოტზაგენი, რომელმაც ავტორებს სცენარი შთააგონა) შესახებ, რომელიც ინვალიდთა სახლიდან გარბის, სადაც ის ცხოვრობს, რათა პროფესიონალ რესლერად გახდომის ოცნება აისრულოს. მთელი რიგი მოვლენების შემდეგ, ახალგაზრდა ტაილერი (შაია ლაბუფი) – ძებნაში მყოფი წვრილმანი თაღლითი, ზაკის მწრთვნელი და მოკავშირე გახდება. გმირები ერთად გაურბიან დევნას, ვისკის სვავენ, ღმერთს ეძებენ, თევზებს იჭერენ და ინვალიდთა სახლის მშვენიერ და კეთილ მედდას, ელეონორას თავიან მოგზაურობაში გაერთიანებას არწმუნებენ, რომლებიც ერთად უამრავ წარმოუდგენელ მოვლენებს განიცდიან.
პენსიას მოახლოვებული მორგის თანამშრომელი თავისი კარიერის განმავლობაში ძალიან ბევრ უცნაურ ისტორიას არის შესწრებული , თუმცა ყველაფერი შეიცვლება , როცა ის გააცნობიერებს , რომ უკანასკნელი ისტორია , პირადად მისი ისტორიაა.