ტოპ ფილმები
2002 წელს ჩირლიდინგის გუნდის კაპიტანი, რუბი ყველაზე ლამაზი და პოპულარული გოგონა იყო სკოლაში, რომელიც კვოტერბეკს ხვდება და მალე გამოსაშვები საღამოს დედოფალი უნდა გამხდარიყო. ყველა ბიჭი ოცნებობდა მასთან ყოფნაზე, რომელსაც ყველაფერი ქონდა მანამ, სანამ წარუმატებელი აკრობატული ტრიუკის გამო კომაში არ ჩავადრდა. ოცი წლის შემდეგ რუბი კომიდან გამოდის და ხვდება, რომ მან ცხოვრების საუკეთესო ნაწილი დაკარგა. მაგრამ 37 წლის ქალად ქცეული მთავარი გმირი სკოლაში ბრუნდება და ცდილობს თავისი სკოლის ვარსკვლავის როლი დაიბრუნოს. მაგრამ ყველაზე მეტად მას გამოსაშვები საღამოს დედოფლის გვირგვინის მორგება სურს.
დრამატული თრილერი, ორი მცირეწლოვანი შვილის ახალგაზრდა მარტოხელა დედის ჯესიკას შესახებ, რომელიც ხაფანგში აღმოჩნდება, როდესაც მათ სახლში მისი ყოფილი მოძალადე ბოიფრენდი შეიჭრება, რომელიც გოგონას საკუჭნაოში გამოკეტავს, ხოლო თავადა მის შვილებთან მარტო დარჩება. ახლა ჩაკეტილი სასოწარკვეთილი დედა მთელი ძალებით ცდილობს გარეთ გასვლას, რათა გადაარჩინოს თავისი შვილები მზარდი საფრთხისგან, რომელთა ყვირილი იძულებულია ჩაკეტილი კარის მიღმა მოისმინოს.
მძაფრსიუჟეტიანი თრილერი, აშშ-ს სპეცდანიშნულების რაზმის სერჟანტის ჯეიმს ჰარპერის შესახებ, რომელსაც იძულებით გაათავისუფლებენ ჯარიდან და პენსიის გარეშე დატოვებენ. შედეგად, ვალებში, არჩევანის გარეშე და სასოწარკვეთილი, რომ უზრუნველყოს თავისი ოჯახი, ჰარპერი კერძო იატაკქვეშა გასამხედროებულ ორგანიზაციასთან დებს კონტრაქტს. მაგრამ როდესაც მისი პირველი საიდუმლო მისია ევროპაში არასწორად წარიმართება, ძებნილად ქცეული ელიტარული ჯარისკაცი სახიფათო შეთქმულებაში აღმოჩნდება ჩათრეული, რომელიც ახლა იბრძვის იმისთვის, რომ დიდხანს დარჩეს ცოცხალი, რათა დაბრუნდეს სახლში და გამოავლინოს მათი ჭეშმარიტი მოტივები, ვინც მას უღალატა.
არმიის კაპიტანი ჯეი ჯეი კოლინზი წყნარი ოკეანის შუაგულში მდებარე სამხედრო ბაზაზე აღმოჩნდება მას შემდეგ, რაც მას შეცდომით გაათავისუფლებენ პენტაგონში საოცნებო სამსახურიდან. როდესაც ერთდროული კოორდინირებული თავდასხმა დაემუქრება თავად ბაზას, კოლინზი უპირისპირდება ქარიზმატულ, მაგრამ არაკეთილსინდისიერ აშშ-ს სამხედრო დაზვერვის ყოფილ ოფიცერს ალექსანდრე კესელის, რომელიც აპირებს წარმოუდგენელი გეგმის განხორციელებას. ახლა მხოლოდ რამდენიმე წუთით ადრე, კოლინზმა უნდა გამოიყენოს თავისი ტაქტიკური წვრთნა და სამხედრო გამოცდილება, რათა დაადგინოს, ვის შეუძლია ენდოს, და ხელი შეუშალოს კესელის და მის ფარულ დაქირავებულებს მათი რთული და საშინელი მისიის დასრულებაში.
აგათა კრისტის ერთ-ერთი ცნობილი დეტექტიური ნოველის ეკრანიზაცია ბრწყინვალე ბელგიელი დეტექტივის ერკიულ პუაროს შესახებ, რომელიც ეგვიპტეში ჩადის და მდიდრული თბომავალ “კარნაკით” ნილოსზე მიდის კრუიზში, სადაც მრავალმილიონიანი ქონების მემკვიდრეს ლიტენს გაიცნობს, რომელიც ცოტა ხნის წინ თავისი უახლოესი მეგობრის ჟაკლინის საქმროზე გათხოვდა. მიტოვებული ჟაკლინი ახალდაქორწინებულებს უთვალთვალებს, რომელიც მალე მთავარი ეჭვმიტანილი გახდება, როდესაც ლიტენის ეგვიპტეში კრუიზის დროს გარდაცვლილს იპოვიან. დეტექტივი იძულებულია მდიდარი მემკვიდრის გარდაცვალება გამოიძიოს და თანდათანობით აცნობიერებს, რომ მკვლელობა ერთადერთი დანაშაული არ არის, რომელიც გემის ბორტზე იქნა ჩადენილი. მგზავრებს შორის ორი ქურდი, თაღლითი, რადიკალი კომუნისტი და საერთაშორისო ტერორისტი აღმოჩნდება, და სანამ პუარო ნამდვილი დამნაშავის გამოვლენას ცდილობს, გემზე სასტიკი ხოცვა გრძელდება.
ქუჩის ქურდის, ნათან დრეიკის ისტორია, რომელსაც გამოცდილი საგანძურზე მონადირე ვიქტორ “სალი” სალივანი დაიქირავებს, რათა ფერდინანდ მაგელანის მიერ 500 წლის წინ დაკარგული ქონება ხელში ჩაიგდოს. ის, რაც გმირებისთვის უბრალო ძარცვად იწყება, მალე გლობალურ ბრძოლაში გადაიზრდება.
2005 წლის ამავე სახელწოდების დანიური ფილმის რიმეიკი, ლოს-ანჯელესში მცხოვრები ომის ვეტერანის უილ შარპის შესახებ, რომელსაც უკიდურესად სჭირდება 231,000 აშშ დოლარი ცოლის ოპერაციისთვის. შედეგად, სასოწარკვეთილი მთავარი გმირი თავის კრიმინალ ნახევარ ძმას დენის უკავშირდება, რომელიც მას ბანკის ძარცვაში მონაწილეობის მიღებაში არწმუნებას, საიდანაც შეიძლება 32 მილიონი დოლარი მოიპარონ. მაგრამ ძარცვა არ წავა გეგმის მიხედვით, და გმირები ლოს-ანჯელესის პოლიციის ოფიცერს ესვრიან. გაქცევის მცდელობისას, ისინი სასწრაფო დახმარების მანქანას გაიტაცებენ, რომლის ბორტზე მედდა და… მომაკვდავი ოფიცერია.
2003 წლის ბელგიური ფილმის “მკვლელის მეხსიერება” რიმეიკი, უმაღლესი კლასის დაქირავებული მკვლელის ალექს ლუისის (ლიამ ნისონი) შესახებ, რომელიც უარს ამბობს ძლიერი და სახიფათო კრიმინალური ორგანიზაციის შეკვეთის შესრულებაზე, რის გამოც მათი სამიზნე გახდება. შედეგად, ალექსი იწყებს ნადირობას მათზე, ვისაც მისი სიკვდილი სურს. FBI-ის ვეტერანი აგენტები, ვინსენტი და ლინდა, მექსიკის დაზვერვის მოკავშირე აგენტთან, ჰუგოსთან ერთინდებიან, რათა მთავარი გმირის მიერ დატოვებულ ცხედრების კვალს გაჰყვნენ, რაც მათ უფრო აახლოვებს ალექსს, მაგრამ ასევე ბიზნეს-ლედის, დავანას (მონიკა ბელუჩი) აღშფოთებას იწვევს. მაშინ, როდესაც კრიმინალური სინდიკატი და FBI-ი მას ცხელ კვალზე მიჰყვება, ლუისის აქვს უნარი დარჩეს ერთი ნაბიჯით წინ, თუმცა ის ამავე დროს მეხსიერების ძლიერ დაკარგვას ებრძვის, რაც გავლენას ახდენს მის ყოველ ნაბიჯზე და ართულებს მიზნის მიღწევას.
ექშენ-ჰორორი, ახალგაზრდა მეცნიერის, მაიკლ მორბიუსის (ჯარედ ლეტო) შესახებ, რომელიც სისხლის იშვიათი დაავადებისგან განკურნებას, ძალიან ორიგინალური საშუალებით – ღამურების დახმარებით გადაწყვეტს, მაგრამ შემთხვევით ცოცხალ ვამპირად გადაიქცევა და ნამდვილი ვამპირის წარმოუდგენელ ძალას მიიღებს. თავიდან ის, რაც ერთი შეხედვით, რადიკალურ წარმატებად ჩანდა, მალე დაავადებაზე უარესი აღმოჩნდება. ადამიანის სისხლის მიმართ საკუთარი წყურვილისადმი ზიზღის მიუხედავად, მორბიუსი ადამიანებზე ნადირობას იწყებს, ოღონდ მხოლოდ დამნაშავეებზე, რომლებსაც იგი სიცოცხლის ღირსად არ თვლის.
ბეტმენი, რობერტ პატინსონის მონაწილეობით. დანაშაულთან ბრძოლის მეორე წელს ბეტმენი აღმოაჩენს კორუფციას გოთემში, რომელიც აკავშირებს მის ოჯახს, როდესაც ხვდება სერიულ მკვლელს, რომელიც ცნობილია როგორც რიდლერი.
ფენტეზური ფრენჩაიზის მესამე ნაწილი საიდუმლო საზოგადოების წევრი, ჯადოქრისა და მწერლის ნიუტ სკამანდერის თავგადასავალების შესახებ, რომელშიც მოქმედება “ჯადოსნური ცხოველები 2: გრინდელვადის დანაშაულის“ მოვლენებიდან რამდენიმე წლის შემდეგ, რიო-დე-ჟანეიროში და ბერლინში ვითარდება და ჯადოქრების სამყაროს მეორე მსოფლიო ომში მონაწილეობაზე მოგვითხრობს. გაძლიერებული ბოროტი ჯადოქარის, გელერტ გრინდელვალდის შესაჩერებლად, ალბუს დამბლდორი ნიუტ სკამანდერს და მის მეგობრებს რთულ მისიას ანდობს, რომელიც ახლა გრინდელვალდის არმიას უნდა დაუპირისპირდეს, და ამავე დროს მომავალ ომში დარჩენილი დრო შეაჩეროს.
ეპიკური ისტორიული თრილერი, სასტიკი შურისძიების შესახებ, რომელშიც მოვლენები ისლანდიაში მე-10 საუკუნის ბოლოს ვითარდება, როდესაც ახალი მიწების ძიებაში დაუნდობელი ვიკინგები თავიანთ სამშობლოს ტოვებენ და იწყებენ უცხო ტერიტორიების ხელში ჩაგდებას. ფილმი ახალგაზრდა სკანდინავიელი პრინცის ამლეტის შესახებ მოგვითხრობს, რომელიც მისი მოკლული მამის გამო შურისძიებას და სამართლიანობის აღდგენას მთელი ძალებით ცდილობს.
სათავგადასავლო ანიმაციური ფილმი, რომელშიც მოვლენები იმ ეპოქაში ვითარდება, როდესაც საშინელი ურჩხულები დაცურავდნენ ზღვებში, ხოლო მონსტრებზე მონადირეები ცნობილი გმირები იყვნენ, და არავინ იყო ისე პატივსაცემი, როგორც დიდებული ჯეიკობ ჰოლანდი. ფილმი ახალგაზრდა გოგონას მეისი ბრამბლის შესახებ მოგვითხრობს, რომელიც ჯეიკობის გემზე იმალება, სადაც ყველაფერი, რაც ლეგენდარულმა ზღვის ურჩხულებზე მონადირემ იცოდა, თავდაყირა დადგება, როდესაც აღმოაჩენს, რომ გოგონა ერთ-ერთ ყველაზე სასტიკ და საშიშ ზღვის ურჩხულს დაუმეგობრდა ღია ზღვაში. შედეგად, გმირები მოულოდნელ კავშირს ქმნიან და ერთად იწყებენ ეპიკურ მოგზაურობას ამოუცნობ წყლებში, რომელსაც მივყავართ იქ, სადაც რუკა მთავრდება და იწყება ნამდვილი თავგადასავალი.
როდესაც ლამაზი და ძლიერი პრინცესა უარს ამბობს მოძალადე სოციოპათის ცოლობაზე, რომელზეც დანიშნულია, მას გაიტაცებენ და თავისი მამის ციხესიმაგრეში მდებარე იზოლირებულ კოშკში გამოკეტავენ. ახლა სანამ მისი საძულველი და შურისმაძიებელი საქმრო, ახალგაზრდა გმირის მამის ტახტის დაკავებას მთელი ძალებით ცდილობს, პრინცესამ უნდა დაიცვას თავისი ოჯახი და გადაარჩინოს სამეფო…
2017 წლის ფილმის “კრიმინალური ქალაქი” სიქველი, რომელშიც მოქმედება სეულის ერთ-ერთ რაიონში ჩატარებული მაშტაბური რეიდის მოვლენებიდან ოთხი წლის შემდეგ ვითარდება. დეტექტივი მა სეოკ-დუ, კაპიტან ჩონ ილ-მანთან და მის გუნდთან ერთად, გაქცეული ეჭვმიტანილის ექსტრადაციის მიზნით მიემგზავრება ვიეტნამში, მაგრამ ჩამოსვლიდან მალევე აღმოაჩენს მკვლელობის დამატებით შემთხვევებს და სასტიკი მკლელის კან ჰე-სანის შესახებ შეიტყობს, რომელიც უკვე რამდენიმე წელია ჩადის დანაშაულს ტურისტების წინააღმდეგ. ახლა კანის დასაჭერად, დეტექტივმა მამ და მისმა გუნდმა ძალ-ღონეს არ უნდა დაიშურონ.
დენი სანდერსი, ახალგაზრდა უმიზნო დამწყები მწერალია, რომელსაც რეალურ ცხოვრებაში და სოციალურ ქსელებში არ ჰყავს მეგობრები და, რაც ყველაზე ცუდია, არც გამომწერები, რომელიც ინსტაგრამისთვის ინსცენირებს მოგზაურობას პარიზში, იმ იმედით, რომ გააძლიერებს მის გავლენას სოციალურ ქსელებში. როდესაც საშინელი ინციდენტი ხდება პარიზში, დენი უნებურად კიდევ უფრო დიდ ტყუილში იძირება, ვიდრე იგი წარმოიდგენდა. შედეგად, ახალგაზრდა გმირი თავისი ოცნების ბიჭს, კოლინს გაიცნობს, და ახლა როგორც ინტერნეტის გავლენიანი ვარსკვლავი, საბოლოოდ იღებს ისეთ ცხოვრებას და აუდიტორიას, რაზეც ყოველთვის ოცნებობდა. მაგრამ ახლა როდის გაიბზარება ფასადი ეს მხოლოდ დროის საკითხია.
სუპერ სწრაფი ლურჯი ზღარბის სონიკის თავგადასავლების გაგრძელება. ტომი და მედი მას სახლში დარჩენის უფლებას აძლევენ, სანამ ისინი დასასვენებალდ იმყოფებიან. მაგრამ დოქტორი რობოტნიკი სოკოების პლანეტიდან ბრუნდება ახალ პარტნიორთან ერთად, რომლებიც ზურმუხტის მოსაძებნად ერთიანდებიან. მას შეუძლია შექმნას და გაანადგუროს ცივილიზაციები. შედეგად, სონიკი თავის ახალ მეგობართან ერთიანდება და ისინი ერთად მიდიან მოგზაურობაში, რათა იპოვონ ზურმუხტი, სანამ ის არასწორ ხელში მოხვდება.
რომანტიკული ექშენ-კომედია, ცნობილი მწერლის ლორეტა სეიჯის შესახებ, რომელმაც მთელი თავისი კარიერა ეგზოტიკურ ადგილებზე წერას მიუძღვნა. მაგრამ ყველაფერი თავდაყირა დადგება, როდესაც ალანთან ერთად მისი ახალი წიგნის პრეზენტაციის მოსაწყენ ტურში ლორეტას ექსცენტრიული მილიარდელი ფერფაქსი გაიტაცებს, რომელიც იმედოვნებს, რომ ლორეტას შეუძლია მიიყვანოს იგი მის წიგნში აღწერილი ძველი დაკარგული ქალაქის საგანძურამდე. ალანი დარწმუნებულია, მას არა მხოლოდ წიგნების ფურცლებზე, არამედ რეალურ ცხოვრებაშიც შეიძლია გმირი იყოს და ლორეტის გადარჩენას გადაწყვეტს. შედეგად, ისინი წარმოუდგენელი და საშიში თავგადასავლებით სავსე მოგზაურობაში მიდიან ჯუნგლებში, სადაც მათ გაერთიანება მოუწევთ, რათა გადარჩნენ ველურ გარემოში და იპოვონ უძველესი საგანძური, სანამ ის სამუდამოდ დაიკარგება.
კრიმინალური ექშენ-კომედია, რომელშიც მოვლენები თანამედროვე ნიუ-იორკში ვითარდება და მსოფლიოში ყველაზე საშიში დაქირავებული მკვლელის რენდის, მეტსახელად, “კაცი ტორონტოდან” და წარუმატებელი ნიუ-იორკელი ახალგაზრდა გრემის შესახებ მოგვითხრობს, რომლებიც დაშვებული შეცდომის გამო იძულებულნი არიან მთელი ღამე ერთად გაატარონ, რაც ძალიან საშიშ თავგადასავლების სერიამდე მივა.
უეცრად აღმოჩენილი იღბლის აქამდე უნახავ მიწაზე, მსოფლიოში ყველაზე უიღბლო ადამიანი უნდა გაერთიანდეს იქ არსებულ ჯადოსნურ არსებებთან, რათა თავისი ბედი შეცვალოს.
მარკ გრინის ამავე სახელწოდების რომანზე დაფუძნებული მძაფრსიუჟეტიანი თრილერი, პროფესიონალ დაქირავებულ მკვლელად ქცეული CIA-ს ყოფილი მაღალკვალიფიციური აგენტის კორტ ჯენტრის შესახებ, რომლის ნამდვილი ვინაობა არავისთვის არის ცნობილი და რომელიც ოდესღაც სააგენტოს მთავარი სიკვდილის მანქანა იყო. მაგრამ როდესაც შემთხვევით გამოავლენს სააგენტოს ბნელ საიდუმლოებებს, ყველა სახის საიდუმლო საერთაშორისო ორგანიზაციისა და დაჯგუფების, მათ შორის მისი ყოფილი დამსაქმებლების სამიზნე გახდება. შედეგად, მისი ყოფილი კოლეგა ლოიდ ჰანსენი აგენტ დენი მირანდას დახმარებით იწყებს გლობალურ ნადირობას საერთაშორისო მკვლელებზე...
კასიე სალაზარი და ლიუკი მოროუ ძალიან განსხვავდებიან. საზრიანი კასიე ტეხასის შტატის დედაქალქ ოსტინში მდებარე ბარში მუშაობს, რათა აისრულოს ოცნება და მომღერალი გახდეს. ლიუკი – არმიის კადეტია, რომელიც აპირებს ჯარში წასვლას და ნუგეშს პოულობს სამხედრო სამსახურის ურყევ დისციპლინაში. მაგრამ ერთ დღეს ახალგაზრდა გმირების შემთხვევითი შეხვედრა ბარში მთლიანად ცვლის მათ ცხოვრებას. კასიე აუარება სამედიცინო გადასახადებში იძირება მას შემდეგ, რაც დიაბეტის დიაგნოზი დაუსვეს.
მოვლენები 1684 წელს საფრანგეთში ვითარდება და პლანეტაზე ყველაზე ძლიერი მონარქის – მზის მეფე – ლუი XIV-ის შესახებ მოგვითხრობს, რომლის დაბადების დღე მზის იშვიათ დაბნელებასთან ერთად ახლოვდება, რის შედეგადაც მეფის სიცოცხლე და საფრანგეთის მომავალი საფრთხის ქვეშ აღმოჩნდება. მეფეს აცნობებენ რომ მეცნიერთა აზრით, ქალთევზები უკვდავების ძალებს ფლობენ. შედეგად, ლუი ახალგაზრდა კაპიტან აივსის ჩრდილოეთის ზღვებში მითიური ზღვის არსების მოძებნას დაავალებს. ამავე დროს, ლუი სამეფოში თავის უკანონო ქალიშვილს მარი ჯოზეფს უხმობს. მეფის მრჩეველი პერ ლა შეზი გრძნობს, რომ მას შეუძლია გამოიყენოს მარი, რათა მდიდარი ახალგაზრდა ვაჭრის ჟან-მიშელის ქონება ჩაიგდოს ხელში. როდესაც მზის დაბნელების კვირა იწყება, კაპიტან აივსის მიერ ქალთევზას წარმატებით შეპყრობის შემდეგ ვერსალში ბრუნდება, სადაც მას ქალთევზას წლის რეზერვუარში მოთავსებას და მეფის ჯანმრთელობის აღდგენას უბრძანებენ...
როდესაც ზესაიდუმლო იარაღი უმსხვილესი ტერორისტული დაჯგუფების ხელში აღმოჩნდება, CIA-ს აგენტი მეის ბრაუნი გამანდგურებელი იარაღის დაბრუნების სასიკვდილო და თავბრუდამხვევ მისიაში, გერმანელ აგენტთნ, მარისთან, MI6-ის ყოფილ მოკავშირესთან, ხადიჯეისთან და ასევე გამოცდილ კოლუმბიელ ფსიქოლოგთან, გრაციელასთან ერთინდება, რომლებიც ინტერნაციონალურ ჯგუფს კოდური სახელწოდებით “355” ქმნიან. გმირებს იდუმალი ქალი ლინ მი შენი უპირისპირდება, რომელიც მათ თითოეულ ნაბიჯს აკონტროლებს. იმ დროს როდესაც ტერორისტები პარიზის კაფეებიდან დაწყებული, მაროკოს ბაზრებით და შანხაის გლამურით დამთავრებული მთელ მსოფლიოში გადაადგილდებიან, ქალთა ჯგუფი მსოფლიოს სრულ ქაოსში ჩაძირვისგან გადარჩენას ცდილობენ.
ანიმაციური ფილმის “სათამაშოების ისტორია“ პრიკველი, ახალგაზრდა მფრინავი-გამომცდელის, ბაზ ლაიტერის წარმოშობის, კოსმოსურ უსასრულობაში და მის ფარგლებს გარეთ თავგადასავლების შესახებ, რომელიც საბოლოოდ ისეთი მხიარული და ლეგენდსრული კოსმოსური რეინჯერი გახდება, როგორსაც მას დღეს ვიცნობთ. მას შემდეგ, რაც ის თავის მეთაურთან და ეკიპაჟთან ერთად დედამიწიდან 4,2 მილიონი სინათლის წლით დაშორებულ მტრულ პლანეტაზე დაეშვება, ყველაფერი თავდაყირა დადგება, სადაც ახლა ბაზი მთელი ძალებით ცდილობს სახლში დასაბრუნებელი გზა იპოვოს სივრცეში და დროში, რომელსაც ამბიციური ახალწვეულების ჯგუფი და მისი საყვარელი რობოტი კატა სოქსი უერთდება. მაგრამ სიტუაცია უფრო რთულდება და მისია საფრთხის ქვეშ აღმოჩნდება, როდესაც ზურგი და მისი დაუნდობელი რობოტების არმია გამოჩნდება.
ანიმაციური კომედია, 13 წლის მეი ლის შესახებ, რომელიც მის პრობლემებსა და მოსიყვარულე დედის ქალიშვილს შორის ორად იხლიჩება. მაგრამ საკუთარ სხეულში, ინტერესებსა და ურთიერთობებში ცვლილებების გარდა, მეი ლი კიდევ ერთი ძალიან უცნაური თვისების წინაშე აღმოჩნდება. ყოველთვის, როდესაც იგი ძალიან ღელავს, მაშინვე გიგანტურ წითელ პანდაად იქცევა.
ანიმაციური კომედიური სათავგადასავლო ფილმი The Bad Guys მოგვითხრობს ბოროტმოქმედი ცხოველების ჯგუფზე, რომლებიც წლების განმავლობაში ძარცვებით იყვნენ ცნობილი. ისინი გადაწყვეტენ შეცვალონ ცხოვრება და დაამტკიცონ, რომ შეუძლიათ კარგი მოქალაქეები გახდნენ. თავიანთი ყველაზე რთული მისიის დროს მათ უნდა გადაარჩინონ ორასი ძაღლი მკაცრი რეჟიმის ციხიდან. მაგრამ ყველაფერი ისე მარტივად არ მიდის, როგორც დაგეგმილი იყო - ახლა უნდა გაირკვეს შეძლებენ თუ არა ისინი ნამდვილად გახდნენ კარგები.
სამცნიერო ფანტასტიკა, ჩინური წარმოშობის ამერიკელი მისის ვანის შესახებ, რომლის ცხოვრება თავდაყირა დადგება, როდესაც გადასახადების გადახდისას მოულოდნელად მბრუნავი საოფისე სკამიდან პირდაპირ მულტისამყაროში მოხვდება. მთავარი გმირი ალტერნატიულ სამყაროდან თავის ქმარს ხვდება, რომელიც მას ეუბნება, რომ მან უნდა შეაჩეროს “დიდი ბოროტება”, რომელიც თითოეულ პარალელურ სამყაროში ვრცელდება და ახლა ის ერთადერთია, ვისაც შეუძლია გადაარჩინოს სამყარო გარდაუვალი სიკვდილისგან. მისის ვანი აღმოაჩენს, რომ მისი ათასობით ვერსია არსებობს და რომ მას შეუძლია თითოეული მათგანის ცხოვრებაზე მიიღოს წვდომა.
კრიმინალური თრილერი, რომელშიც მოვლენები სიეტლში COVID-19-ის პანდემიის დროს ვითარდება და ტექნიკური მხარდაჭერის სპეციალისტის პოზიციაზე მომუშავე, აგორაფობიით დაავადებული ახალგაზრდა გოგონას შესახებ მოგვითხრობს, რომელიც მისი კომპანიის მონაცემების ანალიზის დროს ძალადობრივი დანაშაულის მტკიცებულებებს აღმოაჩენს და წინააღმდეგობასა თუ ბიუროკრატიას ხვდება, როდესაც ის ცდილობს ამის შესახებ თავის კომპანიას შეატყობინოს. ახლა სიმართლის გამოსავლენად, გოგონა იძულებულია მის ყველაზე დიდ შიშს დაუპირისპირდეს და გავიდეს თავისი ბინიდან მომიტინგეებით სავსე ქალაქის ქუჩებში.
ელვის პრესლის ცხოვრების ისტორია, რომელიც ჩანს მის იდუმალ მენეჯერთან, პოლკოვნიკ ტომ პარკერთან რთული ურთიერთობით.
სპორტული დრამა, წარუმატებელი პროფესიონალური კალათბურთის სკაუტის სტენლი შუგარმენის შესახებ, რომელიც სამსახურიდან გათავისუფლების შემდეგ, მოუთმენლად ელის თავისი ღირსების აღდგენას. სტენლი თავის შესაძლო ხსნას მადრიდის გარეუბანში მდებარე პარკში თამაშის დროს შემთხვევით აღმოჩენილ, მოყვარულ კალათბურთელ ბო კრუსში პოულობს, რომელსაც ნამდვილი ესპანელი კალათბურთელი ხუანჩო ერნანგომესი თამაშობს. შედეგად, ახალი მიზნით შეპყრობილი, მთავარი გმირი ბოს ამერიკაში ჩამოყვანას და NBA-ში სათამაშოდ მის მომზადებას თავის ამოცანად აქცევს, რადგან თვლის, რომ მიუხედავად მისი რთული წარსულისა ორივეს შეუძლია ამის მიღწევა.
ზაფხულის შესვენების დროს პირველკურსელი ოდენი ხვდება იდუმალ მეგობარ ბიჭს, სახელად ელი, რომელსაც უძილობა აწუხებს. ისინი ღამით დადიან ქალაქში იმ თავგადასავლის საძიებლად, რომელიც ოდენს სურს განიცადოს მისი ახალი ზრდასრული ცხოვრების წინ.