ტოპ ფილმები
დედის სიკვდილის შემდეგ ივის უცნობი ბიძაშვილი ეწვევა და გრანდიოზულ ქორწილში დაპატიჟებს ინგლისის ერთ-ერთ სოფელში. სულ მალე ის გოთიკურ შეთქმულებას გამოააშკარავებს, მისი ოჯახის ჩახლართულ საიდუმლოებებს ახდის ფარდას და გადარჩენისთვის ბრძოლა მოუწევს...
კლერი MI5-ის აგენტია, რომელიც სამეფო ძიძის როლს ფარულად ირგებს. მან უნდა გადალახოს თავისი დავალების სირთულეები, როგორიცაა პრინცი კოლინის ხიბლისადმი წინააღმდეგობის გაწევა და ამავდროულად, ოჯახის უსაფრთხოება შობის დღესასწაულზე.
ყოველი შობის წინა ღამეს შობის მოჩვენება ერთ ბნელ სულს ირჩევს, რათა იგი 3 სულის სტუმრობით შეცვალოს. თუმცა ამ სეზონზე მან არასწორი სქრუჯი აირჩია. კლინტ ბრიგსი მოჩვენებას როლს გაუცვლის და აიძულებს, საკუთარი წარსული, აწმყო და მომავალი გადააფასოს...
სალვადორ კამპოდონიკო წარმატებული ესპანელი ბიზნესმენია, რომლის ოჯახი ფლობს უდიდეს სასტუმრო კორპორაციას მთელს ესპანეთში. მათი პირველი საერთაშორისო პროექტის განსახორციელებლად, ისინი აირჩევენ განსაკუთრებულ ადგილს და სწორედ აქ ხვდება სალვადორი თავგადასავლების მოყვარულ არიანას...
მას შემდეგ, რაც „მკაცრი“ მოსამართლე მათ კოსმოსურ ბანაკში გაგზავნის, შავი ხვრელი ჩვენს მოზარდ გმირებს 24 წლით თანამედროვე მომავალში აგზავნის, სადაც დუეტი ბოროტად იყენებს ტელეფონებს, იწყებს ქულების მოპოვების ძიებას და სახელმწიფოს მთავრობის სამიზნე ხდება.
ქეით დიკამილიოს ამავე სახელწოდბის კლასიკურ რომანზე დაფუძნებული სათავგადასავლო ანიმციური ფილმი, ახალგაზრდა პიტერის შესახებ, რომელიც მთელი მონდომებით ეძებს თავის დიდი ხნის დაკარგულ დას. როდესაც ის ბაზრობაზე მკითხავს შეხვდება, ახალგაზრდა გმირს მის მიმართ ბევრი კითხვა აქვს, მაგრამ არის ერთი ...
1983 წლის საშობაო კომედიის სიქველი, ახლა უკვე ზრდასრული მთავარი გმირის, რალფ პარკერის შესახებ, რომელიც კლივლენდ-სტრიტზე მდებარე თავისი ბავშვობის სახლში ბრუნდება, რათა მის შვილებს აჩუქოს ჯადოსნური შობა, როგორიც მას ბავშვობაში ჰქონდა.
მორისი – საზრიანი და მოლაპარაკე ქუჩის დიდი წითური კატაა. ერთ დღეს ის ნიჭიერ მესალამურე ბიჭს კიტის შეხვდება და ასევე უცნაური თაგვების არმიას გაიცნობს, რომლებიც საუბრობენ, ტანსაცმელს ატარებენ და სამოთხის კუნძულზე ოცნებობენ, სადაც თაგვები და ადამიანები ერთად იცხოვრებენ მშვიდად
ქალაქ ოსტინის დეტექტივი დენიელ რურკი მთელი ძალებით ცდილობს იპოვოს თავისი დაკარგული ქალიშვილი, მაგრამ მოულოდნელად ხაფანგში აღმოჩნდება, როდესაც ბანკების ძარცვის სერიებს აღმოაჩენს.
მოქმედება ვითარდება პირველი ფილმის მოვლენებიდან ათ წელზე მეტი ხნის შემდეგ, "ავატარი: წყლის გზა" იწყებს სალის ოჯახის (ჯეიკი, ნეიტირი და მათი შვილების) ისტორიის მოთხრობას, უბედურებაზე, რომელიც მათ მოჰყვება, მათ სიგრძეზე. ერთმანეთის დაცვა, ბრძოლები, ისინი იბრძვიან სიცოცხლის შესანარჩუნებლად და ტრაგედიები, რომლებსაც ისინი იტანენ.
ახალგაზრდა შეყვარებული წყვილი, მარგო და ტაილერი შორეულ კუნძულზე მდებარე ექსკლუზიური და უნიკალური რესტორნის მოსანახულებლად მიემგზავრებიან, რომელსაც ძალიან კარგი რეპუტაცია აქვს, სადაც ამ დაწესებულების შეფ-მზარეული სლოვიკი, ახლგაზრდა გმირებს სთავაზობს მდიდრულ მენიუს შოკისმომგვრელ სიურპრიზებთან ერთად…
ზღაპარი დიდი ამბიციებისა და აღმაშფოთებელი სიჭარბის შესახებ, რომელიც ასახავს მრავალი პერსონაჟის აღზევებას და დაცემას აღვირახსნილი დეკადანსისა და გარყვნილების ეპოქაში ჰოლივუდის გადასვლისას მუნჯი ფილმებიდან და ხმოვან ფილმებზე 1920-იანი წლების ბოლოს.
ვესტ პოინტი, ნიუ-იორკი, 1830. როდესაც მზარდი სამხედრო აკადემიის იუნკერს ჩამოხრჩობილი იპოვეს გული ამოჭრილი, უმაღლესი სტუდენტი იძახებს ნიუ-იორკის ყოფილ პოლიციელ ავგუსტუს ლენდორს გამოძიებისთვის. ამ საშინელი საიდუმლოს ამოხსნის მცდელობისას, უხალისო დეტექტივი დახმარებას უწევს ერთ-ერთ იუნკერს: უცნაურ, მაგრამ ბრწყინვალე ახალგაზრდას, სახელად ედგარ ალან პო.
პოპულარული ანიმაციური კომედიური ფრენჩაიზის “სასტუმრო ტრანსილვანია 3: ზაფხულის არდადეგები“ მეოთხე და დასკვნითი ნაწილი, სასტუმროს მფლობელი გრაფი დრაკულასა და მისი საყვარელი მონსტრების ოჯახის ახალი თავგადასავლების შესახებ, რომლის ბნელ ციხე-სასტუმროში მონსტრები ცივილიზაციისგან და ადამიანის თვალისგან შორს ისვენებენ, სადაც ყველაფერი თავდაყირა დადგება, როდესაც ლეგენდარული პროფესორის აბრაამ ვან ჰელისგინის იდუმალი გამოგონება, “მონსტრიფიცირების სხივი” გაფუჭდება და შემთხვევით დრაკულას და მის მეგობრებს ადამიანებად, ხოლო ჯონის – პირიქით, მონსტრად გადააქცევს.
პიტერი და ემა საერთოდ არ იცნობენ ერთმანეთს, მაგრამ როდესაც შეხვდებიან, მათ მაშინვე ერთი რამ დააკავშირებს: ორივე მოულოდნელად მიატოვა მათმა პარტნიორებმა, ენიმ და ნოემ. შედეგად, გმირების თანაგრძნობა მისიად გადაიქცევა, როცა სოციალურ ქსელში ნახავენ, რომ მათი ყოფილები სიხარულით გადავიდნენ ახალ რომანზე: ენი ლოგანთან და ნოე ჯინისთან. 30 წლის ასაკში მათი დიდი ხნის და ბედნიერი ცხოვრების შანსის დაკარგვით, და ყველაფრის თავიდან დაწყების პერსპექტივით შეშინებული, პიტერი და ემა სასოწარკვეთილ შეთქმულებას აწყობენ თავიანთი სიყვარულის დასაბრუნებლად. ახლა ისინი ყველაფერს გააკეთებენ იმისათვის, რომ თავინთი ყოფილების ურთიერთობები შეწყვიტონ.
არიანა გოდოის ამავე სახელწოდების რომანის ადაპტაცია, მოზარდი გოგონას რეკუელის შესახებ, რომელსაც დიდი ხანია მისი იდუმალი მეზობელი ბიჭი არესი სიგიჟემდე უყვარს. გოგონა ფარულად უთვალთვალებს მას, მაგრამ ისინი არასოდეს ლაპარაკობენ. ახალგაზრდა გმირს გადაწყვეტილი აქვს, რომ მას მისი შეყვარება აიძულოს. შედეგად, რეკუელი ვა-ბანკზე მიდის, თუმცა არესი, ის ტიპია, რომელსაც ასე ადვილად არ უყვარდება, ამიტომ მათ პოტენციურ ლტოლვას შეიძლება პატარა ბიძგი სჭირდება. ერთ დღეს ყველაფერი Wi-Fi-ის შეცვლილი პაროლით დაიწყება…
ფრენსინ რივერსის ამავე სახელწოდების რომანის მოტივებზე დაფუძნებული რომანტიკული დრამა, რომელშიც მოვლენები კალიფორნიაში 1850 წლის ოქროს ციებ-ცხელების პიკის დროს ვითარდება და ახალგაზრდა ენჯელის შესახებ მოგვითხრობს, რომელიც ბავშვობაში სექსუალურ მონად გაყიდეს. მისი ცხოვრება დაუსრულებელ კოშმარას ჰგავდა, სანამ მაიკლს არ შეხვდა, რომლის სიყვარული ახლაგაზრდა გოგონას საკუთარი თავის ხელახლა აღმოჩენაში დაეხმარება და დაუმტკიცებს, რომ ნამდვილ გრძნობას ნებისმიერი ტკივილის გამოსყიდვა შეუძლია.
1974 წლის ამავე სახელწოდების კლასიკური სლეშერის პირდაპირი სიქველი და ფრენჩაიზის მეცხერე ნაწილი, რომელშიც მოქმედება ორიგინალი ფილმის შოკისმომგვრელი მოვლენებიდან 47 წლის შემდეგ ვითარდება. მას შემდეგ ტყავის სახე არავის უნახავს და მის შესახებ არაფერი სმენილა. რუთი, სან-ფრანცისკოში მცხოვრები 25 წლის ბიზნესმენი ქალია, რომელიც მის მეგობრებთან მელოდისთან და დანტესთან ერთად სან-ფრანცისკოდან ტეხასის შტატის შორეულ ქალაქ ჰარლოუში მიდის. მისი ქალაქში მარტო დატოვების შიშით, რუთის ასევე თავისი ინვალიდის ეტლზე მიჯაჭვული მოყვარული ფოტოგრაფი უმცროსი და ლილა მიჰყავს. მალე მათი არსებობა კოშმარად გადაიქცევა, როდესაც ისინი დაუნდობელი 60 წლის სრიული მკვლელის ტყავის სახის პირისპირ აღმოჩნდებიან, რომლის სისხლით გაჟღენთილი მემკვიდრეობა დღემდე აგრძელებს ამ რაიონის მაცხოვრებლების, მათ შორის 1973 წლის ცნობილ ხოცვა-ჟლეტაში ერთადერთი გადარჩენილის, სალი ჰარდესტის დევნას, რომელსაც შურისძიება სწყურია.
13 წლის ადამ რიდი, რომელიც ჯერ კიდევ გლოვობს მამის უეცარ სიკვდილს, ერთ ღამეს თავის ავტოფარეხში დამალულ დაჭრილ პილოტს აღმოაჩენს. ეს იდუმალი პილოტი მისი უფროსი ვერსია აღმოჩნდება მომავლიდან, სადაც დროში მოგზაურობა საწყის ეტაპზეა. მან ყველაფერი გარისკა, რათა უკან დაბრუნებულიყო საიდუმლო მისიით. ახლა ისინი ერთად უნდა წავიდნენ თავგადასავალებით სავსე წარსულში, რათა იპოვონ მამა, გამოასწორონ ყველაფერი და გადაარჩინონ სამყარო. გარდა ამისა, გმირები აღმოაჩენენ, რომ სინამდვილეში მათ არ მოსწონთ ერთმანეთი და თუ ისინი აპირებენ სამყაროს გადარჩენას, ჯერ უნდა გაარკვიონ, როგორ შეეგუონ ერთმანეთს.
2019 წლის თინეიჯერული რომანტიკული კომედიის “მაღალი გოგო“ გაგრძელება საშუალო სკოლაში ყველაზე მაღალი გოგონას ჯოდის შესახებ, რომელიც მის სახლში დაბრუნებასთან დაკავშირებით გამართულ ბალზე შთამაგონებელი გამოსვლის შემდეგ, ახალგაზრდა გმირი აღარ არის მხოლოდ “მაღალი გოგო” – ის ახლა პოპულარული და თავდაჯერებულია, რომელსაც ჰყავს მეგობარი ბიჭი და ახლახანს მიიღო მთავარი როლი წლევანდელ სასკოლო მიუზიკლში. მაგრამ რაც უფრო ძლიერდება მისი ახლად შეძენილი პოპულარობის ზეწოლა, ძლიერდება მისი დაურწმუნებლობა, და ახალი ურთიერთობები ყალიბდება, ხოლო ძველი გამოცდის წინაშე დგება. როდესაც გოგონას მიერ აშენებული სამყარო მის ირგვლივ ნგრევას იწყებს, ჯოდი ხვდება, რომ მოთმინება მხოლოდ დასაწყისია.
ქარბუქის დროს მთებში იზოლირებულ გზატკეცილზე დასასვენებლად გაჩერებული კოლეჯის სტუდენტი აღმოაჩენს გატაცებულ ბავშვს, რომელიც იმალება მანქანაში... ეს მანქანა ეკუთვნოდა შენობაში მყოფ ერთ-ერთ ადამიანს
თანამედროვე გაცნობის ხერხების ბნელი მხარე. ახალგაზრდა ქალი ცდილობს გადაურჩეს მისი ახალი მეგობარი მამაკაცის უჩვეულო მადას.
სარეკლამო მენეჯერსა და მოდის ბლოგერს სიყვარულის არ სჯერათ. ასე რომ ნიძლავს დადებენ, რომ ერთი მეორეს სიგიჟემდე შეაყვარებს თავს - ეს უჩვეულო ტაქტიკის დახმარებით მოხდება.
ნამდვილი ამბავი საშინლად დიდი ენერგიის მქონე ბორდერ-კოლის და ავსტრალიური ნაგაზის ნარევი რვა თვის ლეკვის რუბის შესახებ, რომლის “უმართავი” ბუნების გამო მისი პირველი მფლობელი როდ-აილენდის ცხოველთა თავშესაფარში დააბრუნებს. ლეკვს სწრაფად იშვილებენ, თუმცა შემდეგ ხუთჯერ დააბრუნებენ. შედეგად, ლეკვის დაძინება გადაწყდება, მაგრამ ევთანაზიამდე რამდენიმე საათით ადრე ოფიცერი დანიელ ო’ნილი რუბით იხიბლება, რომელიც ლეკვში პოტენციალს დაინახავს, და კინოლოგოდ გახდომის თავისი ოცნების ასრულებას გადაწყვეტს, ხოლო რუბისთვის ეს შეხვედრა ბედნიერი ცხოვრების დაწყების შანსი გახდება.
იდუმალ ძალას მთვარე მისი ორბიტიდან გადაჰყავს და მას დედამიწისკენ მოძრაობას აიძულებს, რაც პლანეტაზე კატაკლიზმების პროვოცირებას ახდენს. მსოფლიო განასგურების პირას აღმოჩნდება, მაგრამ შეჯახებამდე რამდენიმე დღით ადრე, NASA–ში მომუშავე ყოფილი ასტრონავტი ჯო ფაულერი დარწმუნებულია, რომ მას ამ კატასტროფის თავიდან აცილების და კაცობრიობის გადარჩენის გასაღები აქვს, თუმცა ცოტას სჯერა ფაულერის, გარდა მისი ყოფილი კოლეგის, ბრაიან ჰარპერის და შეთქმულების თეორეტიკოსის კ. ჰასუმენის. შედეგად, გმირები დედამიწაზე ტოვებენ ყველას, ვინც მათ უყვართ, და შეუსრულებელ უკანასკნელ მისიაში მიდიან კოსმოსში, სადაც ისინი აღმოაჩენენ, რომ ჩვენი მთვარე ისეთი არ არის ის, როგორიც ჩვენ გვონია.
საკულტო საშინელებათა ფრენჩაიზის “კივილი” გადატვირთვა, ახალგაზრდა გოგონას სიდინი პრესკოტის შესახებ, რომელიც თავის ძველ მშობლიურ ქალაქ ვუდსბოროში ბრუნდება, სადაც ის იმ საშინელი მკვლელობების პირისპირ აღმოჩნდება, რომლებიც ცნობილ ნიღბიან სერიულ მკვლელთან არის დაკავშირებული. ოცდახუთი წლის შემდეგ მთელი რიგი სასტიკი მკვლელობები წყნარ ქალაქს თავზარს დასცემს, ახალმა მკვლელმა მოჩვენების ნიღაბი გაიკეთა და მოზარდების ჯგუფზე დაიწყო თავდასხმა, რათა ქალაქის სასიკვდილო წარსულიდან საიდუმლოებები აღადგინოს.
რომანტიკული დრამა, ნაშვილები თინეიჯერი გოგონას ტესას შესახებ, რომელსაც არ სჯერა, რომ იმსახურებს საკუთარ სასიყვარულო ისტორიას. მაგრამ ყველაფერი იცვლება მას შემდეგ, რაც ის შემთხვევით გაიცნობს სკოლის მოსწავლე სკაილერს, რომელიც ნამდვილი რომანტიკოსი აღმოჩნდება. როდესაც გოგონას გული იწყებს გახსნას, მოულოდნელად ტრაგედია ხდება - სკაილარი ავტოკატასტროფაში იღუპება, ხოლო ტესა გადარჩება. როცა ახალგაზრდა გმირი ავარიის შემდეგ პასუხებს ეძებს, მოულდნელად აღმოაჩენს, რომ სკაილარი იმქვეყნიური სამყაროდან ცდილობს მასთან დაკავშირებას და გაერთიანებას. შედეგად, მისი საუკეთესო მეგობრის დახმარებით და კვლავ შეძენილი რწმენით, რომ სიყვარული არასოდეს კვდება, ტესა ბოლოჯერ უკავშირდება სკაილარის, რათა მათ სიყვარულის ისტორიას მისცეს ეპიკური დასასრული, რომელსაც ის იმსახურებს.
პატრიცია ჰაისმიტის ამავე სახელწოდების რომანზე დაფუძნებული ეროტიკულ-ფსიქოლოგიური თრილერი, ახალგაზრდა დაქორწინებული წყვილის ვიკი და მელინდა ვან ალენების შესახებ, რომელთა წარუმატებელი ქორწინება მხოლოდ შეთანხმებით არსებობს: მდიდარი ქმარი განქორწინების თავიდან ასაცილებლად ცოლს საყვარლების ყოლის ნებას რთავს, მაგრამ მათი “თამაშები” სწრაფად გადაიქცევა კოშმარად, როდესაც ვიკი მისი ცოლის საყვარლის გაუჩინარების საქმეში მთავარი ეჭვმიტანილი გახდება…
როდესაც CIA აღმოაჩენს, რომ მისმა ერთ-ერთმა აგენტმა საიდუმლო ინფორმაცია გაავრცელა, რომელმაც 100-ზე მეტი ადამიანის სიცოცხლე შეიწირა, გამოცდილ ოპერმუშაკს ჰენრი პელჰემის ვენის სააგენტოს ყოფილ კოლეგებს შორის მოღალატის გამოვლენა დაევალება. მის გამოძიებას ის ავსტრიიდან ინგლლისში და კალიფორნიაში მიჰყავს, სადაც მთავარი გმირი კვლავ ხვდება თავის ყოფილ კოლეგას და ყოფილ შეყვარებულს, სელია ჰარისონს. ახლა გლობალური ჯაშუშობის, მორალური გაურკვევლობისა და სასიკვდილო ღალატის ამ შთამბეჭდავ ისტორიაში, ახალგაზრდა წყვილი იძულებულია პროფესიასა და ვნებას შორის საზღრები წაშალოს.
ფილმი ამერიკული არმიის ორი ყოფილი რეინჯერის მხიარული თავგადასავლების შესახებ მოგვითხრობს, რომლებიც მოგზაურობაში წასავლელად თავიანთი ნების საწინააღმდეგოდ ერთიანდებიან. არმის რეინჯერი ბრიგსი და მისი კომპანიონი, ბელგიური ნაგაზი, სახელად ლულუ, 1984 წლის Ford Bronco-ში ჯდებიან და მოგზაურობას იწყებენ წყნარი ოკეანის სანაპიროზე, იმ იმედით, რომ მიუსწრებენ მათი საუკეთესო მეგობარი თანამემამულე ჯარისკაცის და ძაღლის მწვრთნელის დაკრძალვას. გზაში ისინი ერთმანეთს აგიჟებენ, პატარა ქალაქის კანონებს არღვევენ, სასწაულებრივად გაურბიან სიკვდილს და თავიანთი წარსულის დათრგუნვას სწავლობენ, რათა ბედნიერების მოპოვების შანსი მიიღონ. ერთს ერთი კვირის სიცოცხლე დარჩა, ხოლო მეორე ისე ცხოვრობს, თითქოს ყოველი დღე მისთვის ბოლოა.
ტრევის ბლოკი საიდუმლო სამთავრობო აგენტია, რომელიც ცდილობს შეეგუოს თავის ბნელ წარსულს. მაგრამ როდესაც სახიფათო დავალების შესრულებისას მთავარი გმირი სასიკვდილო შეთქმულებას გამოავლენს მის ორგანიზაციაში, რომელიც ხელისუფლების უმაღლეს ეშელონებში აღწევს, ის ფარული კონფლიქტის ქაოტურ ეპიცენტრში აღმოჩნდება, რაც ტრევის FBI-ის დირექტორის სამიზნეს გახდის, და ახლა სანამ ბლოკი ჟურნალისტის დახმარებით თავისი წარსული დანაშაულის გამოსყიდვას ცდილობს, ბოროტმოქმედები მის ქალიშვილს და შვილიშვილს გაიტაცებენ.
ბლანკა ლიპინკსას ამავე სახელწოდების რომანზე დაფუძნებული 2020 წლის ეროტიკული დრამის სიქველი, ახალგაზრდა წყვილის მასიმო ტორიჩელისა და ლაურა ბიელის შესახებ. წყვილის ახალ დასაწყისს და ცხოვრებას მასიმოს ოჯახური კავშირები და იდუმალი მამაკაცი ართულებს, რომელიც ლაურას ცხოვრებაში იჭრება, რათა მოიგოს მისი გული და ნდობა ნებისმიერ ფასად…